Патимат Кагирова - Маймунаг | Текст песни

• Тексты песен
• Патимат Кагирова
• Маймунаг

Pesni.guru - сайт для Гуру

Лявкьули чейулра дила маймунаг!

Лявкьули чейулра дила маймунаг,
Хьунри чебиули сабур агарси,
Илди бархьбатурли уэс хlейруси,
Цалра хасият-тlабигlят агарси,
Хьунрас гьалаб гьеч яхl-ламус агарси,
Гьар гьамбикиси барили вашуси,
Лебил гьуни сунес буцес дигуси,
Сунезиб цlакь агарси хlебалуси,

Лявкьули чейулра дила маймалаг!

Виур хьунрала гьуя-гьарайлизи,
Гlур набзи вявикlар, Патlимат или,
Ишди хьунрала балагьуназивад,
Жан Патlимат верцахъабагу или,
Ну рирус гьимили раргудусиван,
Ухlла хьунрас вирар сай ил дадамван,
Илцад сунечи ну хlерли рируси,
Сай калзан марлира наб аждагьаван.

Лявкьули чейулра дила аждагьа!

Илцад хъярхъти набчирад ардашути,
Дячаб хlела багьла агарти кьяшми,
Илцада ну гlязаб руркlути някъби
Деръаб хlела цайрачи гачикадли.
Аждагьарив дила хlили ужахъес?
Хlулбазирти нургъби тlтутlудирахъес?
Аллагьли хlу наб вархьибси баллагьрив?
Дила жагьти гlямру гlязаб дуркlахъес?

Хlекlили уэнгу чула маймалаг!

Илцада агара хlечи хlясратдеш,
Хlекlадлира агара гьеч кьакьадеш,
Гьанна сари шадти разити гlямру,
Хlу агарли наб саб дунья Гьалжанна!
Хlу хъумартес сарра даим гьалакси,
Дусми гlярдукьялра пикри агарси,
Урцули калаби цlудар къянаван,
Гьеч мардеш агарси уркlилизивад.

Хlу цайли калаби цlудар къянаван.

Урцули калаби цlудар къянаван,
Чула маймунаг!