Агнца Божия проповедавше, и заклани бывше якоже агнцы, и к жизни нестареемей святии, и присносущней преставльшеся; Того прилежно мученицы молите, долгов разрешение нам даровати.
В путь узкий хождшии прискорбный, вси в житии крест яко ярем вземшии, и Мне последовавшии верою, приидите насладитеся, ихже уготовах вам почестей, и венцев небесных.
Древле убо от не сущих создавый мя, и образом Твоим Божественным почтый, преступлением же заповеди паки мя возвративый в землю, от неяже взят бых, на еже по подобию возведи древнею добротою возобразитися.
Упокой, Боже, рабы Твоя, и учини я в раи, идеже лицы святых, Господи, и праведницы сияют яко светила; усопшия рабы Твоя упокой, презирая их вся согрешения.
Слава: Трисиятельное Единаго Божества, благочестно поем, вопиюще: свят еси, Отче Безначальный, Собезначальный Сыне, и Божественный Душе; просвети нас верою Тебе служащих, и вечнаго огня исхити.
И ныне: Радуйся Чистая, Бога плотию рождшая во спасение всех, Еюже род человеческий обрете спасение; Тобою да обрящем рай, Богородице Чистая, Благословенная.
Другие названия этого текста
Хор Московского Сретенского монастыря - Благословен еси, Господи... Тропари по непорочных (0)
Иеродиакон Герман (Рябцев) - Тропари «Святых лик…» (знаменный распев с исоном) (0)