Евгений Самаркин - Ардан мон кудов | Текст песни

• Тексты песен
• Евгений Самаркин
• Ардан мон кудов

Pesni.guru - сайт для Гуру

Ардан мон кудов
Течи пурнынь килангов ошосто,
Цяк молевлинь мон чачма велев,
Тосто туинь умок-умок одсто,
Ансяк терди седеесь мекев.

Мороютко:
Ардан мон, ардан мон кудов,
Тосо монь авам учи монь.
Сован, кутмордаса: "Шумбрат,авай,
Кода тесэ ськамот эрят тон?"
Туинь паро эрямонь вешнеме,
Ней васолан, покш ошонь ломань.
Ютась шкась, а монь сельме икелень
Ялатеке - кедензэ авань.
Мороютко:
Весемесь ульнесь вишка шкасто,
Касы ялгат, налкшкеть, чийнемат.
Маряви, од порат мекев вастсак,
Зярдо инжекс эсеть велев сат.

Мороютко:
Ардан, капшан, пульсь удалон чары,
Ве енов кадовить паксят, лейть.
Кись кувака, печтямс весе сави
Ды курок нейса тиринь велем.
Мороютко:
Саевлитинь эстень ошов, авай,
Ават-цёрат эрявлинек минь.
Ансяк тон прок лайшезь евтыть валот:
"Кулан тесэ, косо мон чачинь".
Мороютко:
Пек кисэнь Пазонтень ознат потсот,
Вешат монень кеме шумбрачи.
Нать, Пазось, авай, маризе озксот,
Кода цёрат варчамот капши.
Нать, Пазось, авай, маризе озксот,
Кода цёрат варчамот капши.