Nury Meredow - Çagdyr bu çaglar | Текст песни

• Тексты песен
• Nury Meredow
• Çagdyr bu çaglar

Pesni.guru - сайт для Гуру

Ölçerme odumy,gozgama derdim,
Dert başymdan agan çagdyr bu çaglar.
Nadanmyşam,bir biwepa dil berdim,
Ýardan köňlüm sowaşan çagdyr bu çaglar.

Şunça jepa çekdim,bolmady paýym,
Bu nalyşym bilmedi öz söýýen ýarym.
Gökdäki röwşenim ýyldyzym,aýym,
Halka urup ýaşan çagdyr bu çaglar.

Men dönsemde köňlüm ýardan dönen ýok,
Ýar zalymdyr,maňa rehmi inen ýok.
Meniň bu halyma bile ýanan ýok,
Synama ot düşen çagdyr bu çaglar.

Seýdi diýr,baş alyp gider men bir ýan,
Uçarga ganatym ýok,gonmaga perman.
Aýdyber,janyňda galmasyn arman,
Däli köňlüm joşan çagdyr bu çaglar.