Wie sich minne hebt daz weiz ich wol; wie si ende nimt des weiz ich niht. ist daz ich es inne werden sol wie dem herzen herzeliep geschiht, sô bewar mich vor dem scheiden got, daz waene bitter ist: disen kumber fürhte ich âne spot.
Swâ zwei herzeliep gefriundent sich unde ir beider minne ein triuwe wirt, die sol niemen scheiden, dunket mich, al die wîle unz si der tôt verbirt: waere diu rede mîn, ich taete alsô: verlüre ich mînen friunt, seht, sô wurde ich niemer mêre frô.
Dâ gehoeret manic stunde zuo ê daz sich gesamne ir zweier muot. dâ daz ende denne unsanfte tuo, ich waene des wol, daz ensî niht guot. lange sî ez mir vil unbekant! Und werde ich iemen liep dér sî sîner triuwe an mir gemant.
Der ich diene und iemer dienen wil, diu sol mîne rede vil wol verstân. spraeche ich mêre, des wurd alze vil. Ich wil ez allez an ir güete lân. ir genâden der bedarf ich wol. und wil si, ich bin vrô; und wil si, so ist mîn herze leides vol.
Статистика страницы на pesni.guru ▼
Просмотров сегодня: 1
Видео
Helium Vola - Mahnung This is a song that makes to think and gives to soul a freedom ...
Helium Vola - Maienzeit A not so well known title of Helium Vola's album "Fuer Euch, die Ihr liebt" All rights ...
Helium - Vola Dies Irae Esta Cancion Perteneciente al Album In Lichter Farbe Steht Der Wald EP Nos Ilustra con ...
Nuestras Vidas - Helium Vola Nuestras Vidas by Helium Vola. Taken from the album "Fuer Euch, Die Ihr Liebt" Lyric ...
Helium Vola - Du bist min Mix - Helium Vola - Du bist minby YouTube · Helium Vola - Selig lyrics - Duration: 8:01 ...