Chanterai por mon corage Que je vueill reconforter, Car avec mon grant damage Ne quier morir n'afoler, Quant de la terre sauvage Ne voi nului retorner Ou cil est qui m'assoage Le cuer, quant j'en oi parler. Dex, quant crieront Outree, Sire, aidiés au pelerin Por cui sui espoentee, Car felon sunt Sarrazin. Soferrai en tel estage Tant quel voie rapasser. Il est en pelerinage, Dont Dex le lait retorner ! Et maugré tot mon lignage Ne quier ochoison trover D'autre face mariage ; Folz est qui j'en oi parler ! Dex, quant crieront Outree, Sire, aidiés au pelerin Por cui sui espoentee, Car felon sunt Sarrazin. De ce sui au cuer dolente Que cil n'est en Biauvoisis Qui si sovent me tormente : Or n'en ai ne gieu ne ris. S'il est biaus, et je sui gente. Sire, Dex, por quel feïs ? Quant l'uns a l'autre atalente, Por coi nos as departis ? Dex, quant crieront Outree, Sire, aidiés au pelerin Por cui sui espoentee, Car felon sunt Sarrazin. De ce sui en bone atente Que je son homage pris, Et quant la douce ore vente Que vient de cel douz païs Ou cil est qui m'atalente, Volontiers i tor mon vis : Adont m'est vis que jel sente Par desoz mon mantel gris. Dex, quant crieront Outree, Sire, aidiés au pelerin Por cui sui espoentee, Car felon sunt Sarrazin. De ce sui mout decüe Que ne fui au convoier ; Sa chemise qu'ot vestue M'envoia por embracier : La nuit, quant s'amor m'argue, La met delez moi couchier Mout estroit a ma char nue Por mes malz assoagier Dex, quant crieront Outree, Sire, aidiés au pelerin Por cui sui espoentee, Car felon sunt Sarrazin.
Статистика страницы на pesni.guru ▼
Просмотров сегодня: 3
Видео
Estampie- Chanterai por mon corage From great album "Crusaders" Lyrics: Chanterai por mon corage Que je vueill reconforter ...
Estampie- Chanterai por mon corage Lyrics: Chanterai por mon corage Que je vueill reconforter, Car avec mon grant damage Ne ...
Renato Filippini - CHANTERAI POUR MON ... De Guiot de Dijon, do espetáculo PEDAÇOS DE MIM, com o Coro de Câmara de Caxias do ...
chanterai por mon courage 6:09. Guiot de Dijon : Chanterai pour mon corage - Duration: 5:57. by Eric Boulanger 5,388 ...
Guiot de Dijon : Chanterai pour mon corage Anne Azéma with Constantinople - Li tans nouveaus Anne Azéma (soprano) Contantinople ...
Guiot de Dijon: Chanterai por mon coraige Guiot de Dijon (fl. 121525) was a Burgundian trouvère. The seventeen chansons ascribed ...